(一開始,女記者拿著雪糕咪,站在街頭做街訪)
女記者:(對著攝影師,而攝影師則拿著攝影機錄影)今日我地落黎睇吓,各位市民對最近網上疑似藝人不雅照片嘅睇法
(女記者回頭一望,見到電車男正路過,於是一個箭步衝過去,擋著電車男的去路,攝影師也即時追過去,用鏡頭指向電車男)
女記者:呢位先生阻你一陣。
電車男:係唔係D乜野調查呀?我趕時間……
女記者:唔係,我地係無記電視台嘅,想同你做個訪問。
電車男:(喜)咁咪即係有得上電視?好呀!問啦問啦!
女記者:請問你有無睇過果D網上疑似藝人不雅照片呢?
電車男:(尷尬)有……呀……無……
女記者:即係有定無呢?
電車男:睇……睇過少少啦…
女記者:你覺得大家應唔應該睇果D相呢?
電車男:(猶疑)唔……唔應該嘅……
女記者:但係你都有睇過播
電車男:D friend send俾我咪睇吓 law……我趕時間……(落荒而逃)
(女記者見中學生走過,便立即衝過去)
女記者:呀呢位同學,請問你有無睇過果D網上疑似藝人不雅照片呢?
中學生:嘩……訪問呀,我阿媽會唔會睇到架?
女記者:唔駛驚,你個樣會同D相一樣,做D特別效果處理嘅。
中學生:(仍渾渾噩噩,未覺被人幽了一默)咁呀……
女記者:咁你有無睇過呢?
中學生:有呀,我係Twins嘅Fans,信和D新相我一定第一時間買架。果D相一定要「措」啦。
女記者:你D先生點講呢?
中學生:先生話校規規定唔準睇果D相渦,不過我好多同學都睇過啦,都無事。
女記者:咁如果再有新相,你會唔會再Download呢?
中學生:梗係會啦,無論亞Gill幾天真,我地都咁支持佢架
女記者:呢位同學真係熱情同天真嘞,唔該晒。
(又見到在旁圍觀的肥師奶,就走了過去)
女記者:呀呢位小姐,請問你有無睇過果D網上疑似藝人不雅照片呢?
肥師奶:(緊張)哎吔,果D相呀,咁肉酸,睇過要洗眼呀!!
女記者:咁你即係睇過啦,係唔係呀?
肥師奶:(驚)無!!無呀,我睇八卦雜誌個陣,無意中睇到少少之嘛。果D週刊真係衰,教壞晒D人。
女記者:(望了望肥師奶的手袋)咦!你手袋裏面果本,咪係今朝一出就賣斷市嘅「網上淫照無敵全真集永久保存版」?
肥師奶:(慌忙望了望自己的手袋,發覺有本雜誌凸了出來,就慌忙把手袋藏起來)無……你睇錯遮。唔講嘞,趕住返去煲湯……(又落荒而逃)
(此時女記者見Superrei正路過,便跑了過去。)
女記者:先生先生,阻你一陣,請問你有無睇過果D網上疑似藝人不雅照片呢?
Superrei:我話無睇過你都唔會信啦,不過既然當事人唔想俾人睇,我都無再問人攞黎睇,或者send D相俾其他人。
女記者:咁你點睇呢件事呢?
Superrei:呢件事證明咗呢個社會嘅人其實好虛偽,偶像享形像同包裝背後可能只有腐化嘅思想,同糜爛嘅生活。大眾則一面鬧人地唔道德,但一面就為咗滿足自己嘅偷窺慾而傷害其他人。
女記者:你覺得點樣先可以阻止D相繼續流傳呢?
Superrei:無可能架啦,一張相放咗上網,就好似潑咗出去嘅水一樣。只係D警察唔可以咁樣答大家遮。
女記者:你認為點樣先可以避免呢D事再發生呢?
Superrei:而家好多人,對待性呢D野,口裏通常好保守,但背後可能好隨便,如果可以倒轉,大家討論呢D野嘅時候open D,但真正處理呢D野時就保守D,咁就唔會發生呢單野啦。
女記者:唔該晒。
Superrei:(慢慢離開人群,自言言語)無啦啦俾電視台訪問都有嘅,打電話話俾老婆聽先,(伸手入衣袋內)咦!我個電話呢?唔通唔見咗?死啦,個電話裏面有好多上次,我享「漫畫節」同D Cosplay妹妹嘅合照個播,萬一俾人擺上網……
